मासिक राशिफल - पुस, २०८०

 मेष राशिलाई पुस महिना सामान्य फलदायी रहनेछ। अध्ययनतर्फ पहिलेको नतिजा कमजोर आउन सक्छ, मिहिनेत गर्नुहोला। लगानीमा केही रकम बाहिरिए पनि नियमित आम्दानी हातलागी हुनेछ। पूर्वार्धमा स्वास्थ्य समस्याले काम रोकिए पनि उत्तरार्ध उपलब्धिमूलक रहनेछ। मिहिनेत गर्दा नयाँ कामको जग बसाउन सकिनेछ। केही खर्च लागे पनि स्रोत–साधन जुटाउने समय छ। नयाँ व्यवसायका लागि पूर्वाधार तयार पार्न सकिनेछ। स्थापित पेसा–व्यवसायमा सुधारका लक्षण देखिनेछन्। नोकरी तथा राजनीतिमा अवसर खोज्ने समय छ। केही नयाँ जिम्मेवारीसमेत प्राप्त हुने सम्भावना छ। प्रयत्न गर्दा नयाँ कार्य थालनी हुन सक्छ। धार्मिक तथा सामाजिक काममा प्रवृत्त भइनेछ। तत्काल धेरै फाइदा नभए पनि पछिका लागि काम गर्ने समय छ।