ग्रह गोचर यस बर्ष मध्यम रहनेछ । अढैँया शनिको प्रतिकूल प्रभाव बर्षभरी नै रहनेछ । कर्मेश र आयेश अष्टमस्थानमा रहेकोले अर्थिक अवस्था र स्वास्थ्य अवस्था राम्रो देखिन्न । हाड जोर्नीको समस्याले निकै सताउनेछ । आर्थिक कारोबारमा पनि समस्या आउनेछ । धार्मिक कार्यमा खासै रुचि हुँदैन । बेलाबेलामा मन विचलित भइरहनेछ । माघसम्म राहु अनुकूल भएकोले परिश्रमबाट काममा सफलता मिल्नुको साथै शत्रु पराजय हुने, मित्रहरुको सहयोग पाउने योग छ । गुरुको अनुकूलताले बौद्धिक क्षेत्र बलियो हुनेछ । नोकरी तथा राजनीतिमा बुद्धिको उपयोग गरे लक्ष्यअनुसार अघि बढ्न सकिनेछ । राजनीतिक नियुक्तिको सम्भावनाका साथै कूटनैतिक क्षेत्रमा ठूलो फड्को मार्ने अवसर मिल्नेछ । भएका सन्तानहरुबाट सुख र नहुनेहरुको लागि सन्तान प्राप्तीको योग पनि यो बर्ष बलियो छ । शैक्षिक उन्नतिका अवसरहरू प्रशस्तै मिल्नेछन् । छात्रवृद्धि हासिल गरी विदेश पढ्न जाने अवसर मिल्नेछ । नयाँ घर, नयाँ सवारी जोड्ने अवसर मिल्नेछ । व्यपारमा उच्च प्रगतिको योग छ । प्रेम प्रसङ्गले वैवाहिक मार्ग अवलम्वन गर्ने छ । विवाहितहरुको दाम्पत्य जीवन सुखमय रहनेछ । आषाढ, आश्विन, माघ, फाल्गुन महत्वपूर्ण कामका लागि अनुकूल रहनेछ भने श्रावण, मार्ग, चैत्र धेरै समस्या झल्नुपर्ने समय छ । स्वास्थ सन्तुलित राख्न धेरै हिड्ने, खानपानमा विचार पु¥याउने गर्नुहोला । नगद सहयोग गर्न बन्द गर्नुहोला, बलभन्दा बुद्धिको काममा जोडदिनुहोला । बर्षभरी नै विहान उठेर ‘ॐ नमः शिवाय’ मन्त्र १०८ जप गर्नु सर्वोत्तम हुनेछ ।
गुरुको अनुकूलताले वर्षको प्रारम्भमा विभिन्न अवसर प्राप्त हुनेछन्। अहिलेको प्रयत्नले पछिसम्म लाभ उठाउन सकिनेछ। अध्ययनको सफलताले विदेश जाने अवसरसमेत दिलाउन सक्छ। नोकरीमा प्रवेश, पदोन्नति वा अनुकूल स्थानमा सरुवा हुने सम्भावना देखिन्छ। दाम्पत्य वा प्रेमको बन्धन कसिन सक्छ। कृषि तथा व्यवसायमा पनि फाइदै हुनेछ। परिवारजनमा सन्तानको माध्यमबाट प्रसन्नता मिल्नेछ। साउन २२ गतेपछि बृहस्पति चुनौतीभावमा जानाले काममा केही समस्या आउन सक्छन्। ईर्ष्या गर्नेहरू बढ्नेछन् भने शत्रुहरूबाट दुःख पाइनेछ। कष्टभावका शनिले फागुन ५ गतेसम्म अढैयाजन्य बाधा तथा स्वास्थ्यमा समस्या निम्त्याउने देखिन्छ। विद्यामा राहुको उपस्थितिले पढाइलेखाइ अवरुद्ध बन्न सक्छ। ढाड–जोर्नी, पेट तथा कब्जियतको समस्याले सताउन सक्छ। आम्दानीको तुलनामा धेरै खर्च हुनेछ भने ऋणभार समेत बहन गर्नुपर्नेछ। प्रवासमा हुनेहरूलाई रोजगारीको चिन्ताले सताउन सक्छ। जन्मकुण्डलीमा शनि कमजोर हुनेहरूले नियमित काली भगवतीको पूजा–आराधना गरी प्रत्येक शनिबार पीपलमा जल चढाउनुहोला। यस्तै, वटुकभैरव तथा
Comments
Post a Comment